Tajmilt i TAHAR DJAOUT

Si “Solstice barbelé” kseγ-d yiwen usefru , rri.-t i-d γar teqbaylit .
Ssarmey ur sxucmeγ ara anamek ines

Tirga ifergen

Inuda inuda ur yufi
Tili tazulant n wurti
Deg unezṛuf n talaxt yeqceqcen
I-deg tetturar tbuciḍant
Ass-mi yewweḍ γer temsilt tamezwarut
Kra n yergazen llan
ẓẓlen ddaw tezdayin .

Mi swan almi ṛwan
kksen fad
Senguggin-d fell-as iqjan
s-yen γers surgen fell-as ṛṛsas
Yuγal
Izeṛman-is ger iffasen-is
Irwel akk-in
Anda yettmettat yittij


Si « l'arche a vau-l'eau » kseγ-d asirem .

Asirem

Tennuγem ula d agu
Ay imedyazen
Afakan n yifeṭṭiwjen
Tessulim
s taffa n yibeṛdiwezn nnwen
Wisen ma-y-d yefk aγrum
γaf nettegririb ?
Seg-wen γ
La selleγ i usrugmet
N yissafen yerfan
Di tγessiwin nnwen ibedden
Tugim ad tebrum
I yiffasen
Zdat tekmamin d-ssendan
i yimawen .


====================================================================


Tajmilt i TAHAR DJAOUT


I KEČ A ṬAHEṚ


Tugiḍ ad d-tağweḍ tirga-k
Seg Wanda tetten ceṭḥen kan
Tunageḍ yur-sen
Γar temdint
i Medlen warraw is
Tenniḍ
“Ad neṛz ṛezzat”
Tufiḍ-ten din
Mi s-nan
“ Enγet-ett
A tarwa
Enγet-ett
Yezdel γaf yir lfal
La yefettel yir awal
Enγet-ett “



ASEFRU



Akin
Iwaddagen
Tezlef saεaqa
Deg uzaγar
Seg rewlen yergazen


Akin
Iyimγan
Yessawerγen
Deq yiḥeṛqan
Anda ulac tisekrin

Akin
I yiḍan
Yeqnajṛen
Di tnezruft
d-yewden s amnar

Akin
I waḍan
Yesselben amdan
Di lehkem
Yesnulfa-d amezruy
Ad nwali tafat
I d-tettak tidmi n tidett
Anda ma tunag
Γas akken
Ccix amcum
Imdel-aγ-d isefuyla
Seg d-tettεadi tafat

Tajmilt i Tahar Djaout

Yura ttaheṛ Djaout di tezwart i yga i wammud n yisefra anda yesmlal 10 imedyazen akk d wazal n 50 isefra nnsen, anda yal yiwen iga-yas amḍiq yuklal di tsekla tažžayrit s tanafalit tafransist,


Yenna: “ Ayen yesduklen tikta n yimedyazen nneγ Macci d aziken n wayen ssnen i-ten iceγben maca umnen s webrid n tmedyazt, tezmzer ad d-tefk tafat anda akken dγa tessulles tudert. “


Deg yiwet tullizt yura di 1973 Anaγur ( Canicule) yenna :


“ Akkin I yedγaγen tezzlef saΣqa , d yemγan yessawerγen , d yiḍan yeqnajṛen ad waliγ s tafat d-tettak tidmi n tidett. Ḥemmleγ Tusnakt. Tasreḍt (ddin) ur telli d tadarit . Ala tusnakt i d tadarit . D tadarit mgal tayri , d tadarit mgal afara s wacu nettwali tudert. Ala ur ttuyaleγ ara d amusnak acku tidett ur tesΣi ara anamek.


Di 1973 iwwed 19 isseggasen di laΣmer-is Akken kan yella d anelmad dγa di tesdawit n ležžayer . Illa yetthegi agerdas n tusnakt.

Di 1981 izerg-ed ungal amzwaru “ L'exproprié” .

Deg ungal agi , tira n ĞaΣut tebda la-d teffeγ si talγa n tmedyazt. La tettuγal d tasrit. Di talγa agi tamaynut izmer yiwen ad d-yemmager uguren acku netta dγa s timmad-is yeqqar : « ẓriγ Aγanib (style) i-s uriγ “l'exproprie” yemdel accema akk-a, maca, ilaq-iyi ad awdeγ Alamma « senguggiγ » tameslayt. Illa yiwen wemyaru amerruki, Mohammed kheir dine, yezga yettmeslay-d fell-as Tahar acku tira nnsen yella wanda ttemyettakent anza (ttemcabint)
----------------------------------------------------------------------------------------------------------------------
Si l'exproprié, yettwakess-d :

....”Yal tasebḥit γaf 4 n ssbeḥ tamacint tamcumt teččerrig tiwwura n uqerru-s am akken d timqessin i yegežžmen anyir-is.
Ad d-iḍeggeṛ taduli; yettagad ad tyejbed wusu. Tanafa n ssbeḥ d taxedaat . Ad yazzel ad ibec , ad d-yeffi aman si tsebbalt ad yeseγbubez udem-is , ad d-iṣṣub si tγurfett ad yessew lqahwa s tuffγa n laaqel.
Yal tasebḥit akk-a.
Mi yewweḍ γar tewwurt n wefrag ad isusef innexxim amezwaru. Wer ğin t-iwala amek I yga di ṭṭlam. Ttlam nni i-deg yettruhu γer yixeddim, ṭlam i-deg yettidir, ṭtlam i-deg d-yettuγal s axxam. ...”
Tahar djaout , Hdidouche, in les rets de l'oiseleur, Traduit du français : Extrait de la nouvelle traduite

« .... Taqubbett n ccix, ala nettat i yebedden . Tuga tezzi as-d , tewweḍ almi d iγisan n temdlin yessan amnaṛ n wemḍiq nni. Taqubbett d taxxamt tamecṭuḥt , d agasas ur nsΣi tassedarit . Di taddart , ala axxam agi i wumi ur ḍḍlin ara taklut werğin .Ar ass-a , γas ddeqs iseggasen i yezrin, tettwattu .Yiiwen kan n yini n lğir yedreγlen i d-yeqqimen .


D ayen i yeğğan yezdi lqed n yeγraben-ines γaf yexxamen iḍen, yestuttec ṛṛsas .


ṛṛsas ur yezgil ara iγraben n tubbett, maca ula d yiwen d-ges ur yeγγusa....


Hdiduc yeẓra d akk-n s-daxel n tubbett tettili yiwet tafat ttaken-tt-id Kra akk-n yibehnaq dγa mi akk-n ad d-γellin seg ufella n senduqt am wafriwen n wefrux yemmuten . Ass-mi yella d aqcic amecṭuḥ, yemmas tezga tettawit-id γer da. Tessekcam-it ad yessuden i lbaṛaka yiwet seg tγemmaṛ n tqubbett . Sdaxel , llan yidlisen iqburen d imeqqranen , tečča-ten tuneḍt ,uran s yiwet tira teweṛnenneḍ – mi yesγafel yemmas tezzi s uzagur as yerwi isebtar i wedlis – d yesγunen i d-yemmmezgen gar-asen am wid yettilin di tgertilt , s ticraḍ yettembiwilen....”



Yenna yibwass Ṭaher Ğaut deg yiwen usarag i d-yewwin af yammud n yisefra n tmedyazt tazzayrit s tanala tafransist :( Les mots migrateurs)
“ acebwel tcebwel tmurt yelli-yas-d iberdan nniden i tmedyazt . Tamedyazt ur teqbil ara arruz . Tamedyazt tazzayrit s tantala tafransist tebda acrured deg iseggasen 1910 qbel ad as yefk ifettiwej amezwaru Jean Amrouche deg iseggasen 30”
... Tella tmedyazt agi nneγ tamaziγt s talγa timmawit yettalen aṭas ccna, tuγal tettwaru γas ulamma ur ggten ara wid tt-yettarun ...
Ğaut yesḥassef aṭas I mi yettaru s tefransist I yiwet tmetti ur yezri ara ma tefhem-it neγ ala .

Yenna:
“ Ur zriγ Ara ma ad ssiwdeγ
Ad idireγ s wudem agi ureṭṭal
Neγ ad iyi d-isaḥ umur
Am wid i wumi d-teḍsa dunnit”
Neγ daγen:
“Ad nesali
Lemqam n tara nneγ
Anda ara yeqzuzem
S kra n wayen yettawin izen
D akken
ur nelli d tanaslit”



D avrid
01:38, 18/5/2008 .. 0 comments .. trackbacks .. Link



Tazzert

n tafukt

tenta

Tessaγ-d

ifeṭṭiwjen

γaf yiγallen

d tγezza

D azal

abrid

yessawen

ad nejbu

ulamma nulwa

tasa d wul

la d-sawalen



Nettwali-ten

d iferruğen

mi ara tturaren

gar-asen

la nettaḍsa



Gar-aneγ

la ttjelliben

am ifeṭṭiwjen

temlal-d

ayen turew tasa



Am waḍu

yettmuruden

yettani

I yirden

Yebrir

yerẓa tilisa




Abbuh
11:45, 16/5/2008 .. 0 comments .. Link
Abbuh

Ay at ṛebbi get-as afus

I ufus-iw akken ad yaru

Ad d-yini ayen akk nxus

D wayen I nettargu

Aql-aγ la nreffed nesrus

Aclim s-yegla waḍu

Af yiri yeγma ubeṛnus

Ixf yeččur γas ma yettu


Megreγ-d tirga

Deg wallen

D wawal

Yuẓamen

A d-ilal

Wayen

Ur nelli


Ugmeγ-d imeṭṭi

Semmeden

Adal

Yucafen

Γef uslaḍ

La yettali


Mmugreγ-d ifeṭṭiwjen

S yimi-w

La d-susufen

Yeγli-d fell-i yigenni

TUDERT






Ddreγ

ger

wussan yezrin

d

wid

i-d-yettazen



ddiγ

d

wid

yeγlin

d

wid

i d-yettnekkaren



A

yul

γurek

tifraryin

ussan

sani

ţdeggiren




Yennayer
13:14, 2/4/2008 .. 0 comments .. Link

YENNAYER



Γas tayett
D tameṛzut
Ad teḥlu tefsut
Talwit tizeḍt i wussan


<!--[if !supportLineBreakNewLine]-->
<!--[endif]-->

Umne$
Ad d-tas
Tsatut
Ad d-taf
Tasarut
I nḍeggeṛ ger iberdan



Deg ucmumeḥ
Ad nessugut
Alamma
Nesrut

Umqennin i-γ yesnuγnan







asefru i matub lunes
13:10, 2/4/2008 .. 0 comments .. Link









TABRATT I UMEDYAZ



Nek

d amsebrid

n At-Yanni

ula

iyi-d tiniḍ

Yeγli-d

felli

igenni

mi nesla

teγliḍ

Adar

yerreẓ

si tikli

tawla

s usemmiḍ

Nejba-n

γurek

d tirni

γas

ur-γ-d tettwaliḍ

Nedder deffir

wass

amcum

i-deg

i-γ teğğiḍ

d igujilen

di tefsut

ay ass

amcum nni





I umedyaz

ur nessusem

deg urfan

yellem

alarmi

glan s wul-is

deg unezgum

yeṛdem

d

amummi

mi γ-d-yezlem

axxam

mi yertem

daymi tenaεkmac timmi-s

yehtuti

yedrem

A

yirgazen

at claγwem

anza-s

a-γ yezzem

ayen yenna m-ur s-nulis

ara

ad yeggugem




tamurt-iw tedel-itt wedfel
17:43, 1/4/2008 .. 0 comments .. Link




Tafsut
17:19, 31/3/2008 .. 0 comments .. Link
TAFSUT



Tafsut

n useggas nni

am akken

d lemri

yugaden ad yedderγel



La tesmigliz

γef tiγri

i-d nger idelli

nettaggad ad aγ terwel



Nugad

m-ara ad-nakwi

ad tt-id naf teγli

di targit m-aγ-d siwel


Tafsut

nni yerked udar

i cudden imurar

xenqentt ifassen di ttlam



Teğğa yaγ-d

d imengar

arkas yetturar

γef udar nni yelhan



Am lefnar

la tt-netthadar

terrez-aγ am ufexxar

deg yirebbi gran-d iceqfan



Tafsut

nni iεaddan

am win ihettben itran

ssbeh qbel ad yali wass



Am umakrad

i-d ufan

deg wayla n yimawlan

s uεekkaz ddan-tt fellas



Teddaray

deffir wussan

ifat-itt lawan

yezzi-d useggas nuyes


Tasusmi

txutel-d ussan

id yefka izuran

ikka-d γef webrid

d afrag



deg was

irgazen nzan

i rrehba n wadan

ayen i-γ-d yegran rzag

la nsel kan

i

ssefran

wid i-γ-d ğğan

bedden γas nekkni nuccag





ANAZUR
17:15, 31/3/2008 .. 0 comments .. Link
ANAZUR



Tgid-as iman

i usefru

i wanza

n wadu

tuqmed-as tisulal



Tettekid

di truzi

n usalu

tugaded a-γ yenfu

attas i yeswa wawal



Γurneγ

m-ara d-ijebbu

s wannuz d usuγu

keč tuqmed-as azal




yir attan
17:04, 31/3/2008 .. 0 comments .. Link
Y I R A T T A N



Tufid iyi-d

deg yid

am yir awal

ur nettuneγram



Am yir targit

di tebrek

i zedγen lehbas



Am yimenfi

ihuza ugeffur

fkan-as yettes

deg udaynin



am uqjun

iwimi εalqen tabzimt

γef yura yisem n sidi-s



Am tmuγli

yeγlin

n win akken

iγilen

yeγli-d fellas

yigenni



Am tebratt

iccergen

fkan-tt

lehnad

i wiyad



Am tannumi

yezgan

n win akken

yedemεan

ad yuγal

d lwali



Am

wanza

d-yuγen agemmad

mi yetturar wadu

deg uzanzu



Am uzru

d-tufa tegnitt

ger

imedqan

yettmentar



Am

ugdur

d-yegrarben

si 7 igenwan



Am

yir attan

yufan

tafekka

d axxam

yezdeγ

tiwekiwin-is



Am

tassa

yezza wurγu

n wachal yerγan

i wulac



Am

yir ameddakel

di ttlam

yerran

aεessas d argaz

yeddez

achal d aterras



Tufid iyi-d

am yir argaz

yerran tiram-is

d asirem

ur nesεi layas






Anzar
16:50, 31/3/2008 .. 0 comments .. Link
ANZAR


Tafukt
i nbud

tennusra



claγem-is

γlin

d ixunčan



di tignaw

tga tawsa

d adriz

i wuccanen



ma d tislit

taεna tasga

tuzaf tafat

i taεncurt





Awal iw
15:42, 31/3/2008 .. 0 comments .. Link
Awal



BriÝ iwawal yulwan

celqef-eÝ wid inetgen

d yir tawenza i-s d-glan

mmuredsen ass mi d-lulen

briÝ-as itbel deq waman

m' akk n berrin yir wawalen

s kra yessenxuxulen attan

ass a berraÝ akk degsen